由於我又細膽又怕麻煩到同事又毒又盛，所以我婉拒咗出版社幫我搞簽書會嘅邀請，但書展期間，我每日都會喺白卷出版社攤位度行行企企，如果你哋見到一個紅髮、瘦削、黑眼圈濃重嘅女仔，歡迎各位拍打餵食。希望各位善長可以領養大仔《我投胎前冇飲到孟婆湯》同細妹《分手旅行》返屋企，衷心感謝你哋。
另外，今年書展對我意義重大，除咗因為《分手旅行》會喺書展首賣，更因為白卷出版社喺書展推出嘅18本新書我都參與其中，從編輯、校對到寫文案再到宣傳等等，籌備咗好幾個月，無論係散文、小說、攝影集定畫冊，每一本書都係作者同我哋成班同事嘅心血，而家倒數兩日後就係書展，我嘅心情仲忐忑過放榜，每日都好似有個大隻佬踩住我心口咁，又擔心《分手旅行》無人問津，又緊張係咪真係盡咗力做好編輯嘅責任，所以好希望各位行過書展會過嚟白卷出版社嘅攤位支持一下，拜託拜託，感激感激。
書展日期：7月15日-21日
毛記電視、100毛、黑紙、白卷出版社攤位：1D-A22
Search